يعني الكلام كان صح

أعلن حزب التجمع امبارح انه لن يشارك في إضراب 4 مايو القادم (زي ما رفضوا يضربوا برده في 6 ابريل) بحجة انهم معندهمش رجالة
اقصد بحجة انهم لن يشاركوا في إضراب غير معروف أهدافه ولا جهات تنظيمة!!!
ده بيؤكد فعلاً الكلام اللي سمعناه عن صفقة بين التجمع و الوطني للحصول على بعض المقاعد في المحليات و حتى انا قريت على الوعي المصري ان الحزب الناصري كان بيطلب من التجمع يتوسطله عن الوطني علشان كام كرسي
يا عيني على التجمع و الناصري
يا عيني على العمل الثوري
يا عيني على العمل البقري
يا عيني على أحزابك يا مصر
يا عيني على أحزانك يا مصر
لو كل واحد بطل يبص تحت رجليه و يبص لقدام و يشوف هو ممكن يكسب ايه لما البلد دي تتحرر
لكن الحمد لله ان كل واحد بيبان على حقيقته في الوقت المناسب
و مش بعيد نلاقي كمان بيان من الحزبين لتهنئة الريص بعيد ميلاده الثمانين و شكر خاص على مجهوداته في حفظ استقرار البلاد
و أثناء كتابة الكلمتين دول فيه حديث مع جيمي على الفضائية المصرية (توقيت مناسب جداً لإعادة ظهوره إعلامياً و من ثم بداية لحملة تلميع جديدة معروف أهدافها)
لكن بعيد عن شنباتكم جميعاً
ان شاء الله كلها فترة قليلة و تكون هربان بره يا جيمي
اتكلم براحتك بس احب أقولك ان الناس مبقتش تسمع
لأنهم جعانين و انتوا قضيتوا على الحاجة الوحيدة اللي كانت بتسكتهم
الناس كانوا عايشين على الفتافيت و ساكتين لكن دلوقتي معادتش الفتافيت موجودة
استحمل نتائج عمايلك يا نظيف
أصل القطنة ما بتكدبش

عودون أحمد

حاجات كتير بتحصل و انا معنديش وقت اكتب عنها
السؤال دلوقتي مابقاش هو الزعيم هايغور ولا لأ؟
السؤال بقى الزعيم هايغور امتى؟
......

مسألة وقت
و مش هاكرر كلام راتب عن دلائل نجاح إضراب 6 إبريل و بالرغم من إني بأختلف معاه في أنه سماه "محاولة الإضراب" دي مكانتش محاولة ده كان إضراب بجد
الإخوان المسنين فقدوا تعاطف غالبية الشعب معاهم و دي النقطة الوحيدة اللي كانت بتخلي الراجل ينتخب مرشحيهم و واضح ان الموضوع كان فيه صفقة ما بينهم و بين النظام - و أكيد النظام خانهم لأن الإعتقالات لم تتوقف و المحاكمة العسكرية اتحكم فيها - أو اصبحوا خايفين على مصلحتهم و بيبدوها على مصلحة البلد - زي باقي الأحزاب - و ده معناه ان المحاكمات العسكرية جابت نتيجة و اضرب المربوط يخاف السايب.
و بما أن الفيس بوك كان هو السبب الرئيسي لتعريف الناس بالإضراب فحسيت ان الحكومة ممكن تحجبه
إلا إني سمعت النهاردة ان الحكومة فعلاً بتفكر تحجبه (يعني هما هايجيبوا الغباوة من بره)
و ده لو حصل الحل هو في برنامج
TroPark
و دلوقتي هما عملوا باقة كاملة اسمها
XeroBank
و في برامج تانية كتير بتعمل نفس الوظيفة
توربارك ده اتعمل بالأساس لما الحكومة الصينية اعلنت عن حجبها لمواقع المعارضة و كمان بعد ما اشترطت على جوجل انها ماتحجبهاش مقابل عدم اظهار نتائج بحث معينة (مثل اسماء المعارضين السياسيين) و جوجل اضطرت انها توافق
قاموا بعض مطورين البرامج عملوا البرنامج ده علشان كل الناس تقدر تفتح المواقع المحجوبة
طبعاً احنا عارفين البدو بيستخدموا البرنامج ده في ايه

شرح سريع و بالبلدي لكيفية عمل البرامج دي
انت بتفتح البرنامج العادي بتاعك و بتكتب الموقع اللي عاوز تدخل عليه
البرنامج بيعمل ريكويست على مقدم الخدمة و مقدم الخدمة بيراجع الريكويست ده على فلتر و لو الموقع مش محجوب بيعرضه و لو محجوب بيظهرلك رسالة خطأ أو أي حاجة تانية
البرنامج اللي اتكلمت عنه ده بدل ما بيبعت الريكويست على مقدم الخدمة بيروح على سيرفر في مكان تاني و بطلب منه يعمل الريكويست بداله
الجهاز التاني (السيرفر) بيعمل الريكويست على مقدم خدمة مش بيعمل فلتره و يبعت البيانات على جهازك
طبعاً كل ده و مقدم الخدمة فاكر ان جهازك متصل على السيرفر البعيد ده بس و ميعرفش انه بينقلك البيانات من موقع محجوب
طبعاً أنا اشك في ان القرار ممكن يتنفذ بس الحرص واجب

الوصلات
http://xerobank.com/products.html
https://www.torproject.org/
http://letwist.net/operator

Le Atelier

هذه اللوحة وجدتها بالصدفة منذ فترة على احد المواقع
لا أعرف الفنان العبقري الذي استطاع وصف الأمر بصورة مثل هذه!!
اللوحة اسمها
Le Atelier

هندزة

إهداء إلي كل طلبة الهندزة
بالرغم من إن اللي عملت الفيديو بتعتذر للي بيحبوا الكلية
أنا بأقولهم اللي مش عاجبه ييجي يمسك

الإنترفيو الغامض

يوم غريب في الكلية
نازل من بيتنا الساعة سبعة و عشرة و المفروض ان اول محاضرة الساعة تمانية و نص
المشوار بياخد من ساعة لساعة و نص
للأسف مكانش فيه عربيات جيزة و اضطريت اني اركب مواصلة علشان اوصل للموقف و هناك استنيت لحد ما الميكروباص اتملى و طلعنا حوالي الساعة سبعة و نصف
وصلت الجيزة الساعة تسعة إلا ربع
ركبت ميكروباص لحد باب الكلية كمان
2 جنيه و خمسة و سبعين قرش علشان اوصل للباب ده و كمان يمكن المعيد اللي عامل شعره زي هتلر ميرضاش يدخلني
LOA
اطلع السكشن و ادخل و الاقي المعيد سايبني ادخل بس شكله كده عملها غصم عنه خاصة و ان نص السكشن خلص
قعدت و سألت صاحبي قاللي انه كان في بنت داخلة قبلي بدقيقة و الزبون (المعيد) اتكسف يمشيها و علشان كده برده الزبون اتكسف يمشيني علشان مايقولوش عليه كلمة عيب
يخلص السكشن
كوباية شاي من عند عم سعيد
حالة من الفوقان
سكشن تاني
المعيد اللي طالما أضحكتني تعبيرات وجهه في كل وقت
لما بيستغرب
لما بيضحك
لما بيتعصب
لما من غير أي حاجة خالص
و علشان كده السكشن ده كله باقعد مستخبي و عمال اضحك
يخلص السكشن و البريك
اقابل الولد اللي كنت عاوز احول مشروع التخرج مع مجموعته علشان الباشا يقوللي ان الدكتور رفض و "بشدة" ان أي حد يدخل المجموعة و الطلبة قالوله انهم اربعة بس و التكاليف هاتبقى عالية عليهم و برده الدكتور و بنفس الشدة رفض
ده معناه اني هاضطر استمر في المشروع اللي الإدارة حطوني فيه
I never accepted my fate
عندي بعد كده معمل
تفائلت خاصة و ان الجزء اللي هادرسه في المعمل ده هاستفيد منه لأني في حاجات في المنهج مش عارف اعملها و المفروض ان المعمل ده هايعلمهالي
اطلع لأجد الدكتور اللي رفض و "بشدة" دخولنا للمشروع عنده
للأسف الشديد الدكتور عنده
ADHD
و لأني زي الدكتور كده فباعرف الناس دي من بعد اول تصرف اشوفهم بيعملوه
ولأن أغلب المصريين مايعرفوش البتاع ده ايه اصلاً فمحدش هايقدر يعرف مدى المعاناة اللي واجهناها علشان نشغل التجربة و نخلصها
الدكتور عمال ينسى و يغلط و مش عارف ايه و بتاع
كل شوية يطلع في غلط في الحوار و نرجع نصلح تاني
عاوز أروح حرام عليك يا شيخ انا قدامي مشوار لآخر الدنيا
المفروض ان اطول معمل حضرته السنة دي قعدت فيه من الساعة اتناشر و نص للساعة اتنين و نص
الدكتور ده قعد معانا لتلاتة و نص
بعد ما خلصنا التجربة و انقذتهم من انهم يعيدوها من الأول بعد ملحوظة مني في خطوة ناقصة
ايه يا واد الحلاوة دي
المهم لقيت الدكتور عاوز آل ايه يسألنا كمان
ده غير التقرير اللي هانكتبه و نقدمهوله
السؤال الأول
انت كنت في مدرسة ايه في ثانوي
!!!!!!!!!!!!!!
و انت مال طنط
انا السؤال ده اتسألته من سبع سنين لما كنا لسه جداد في الكلية و بنقيم بعض عن طريق المدرسة و ساعتها كنت باقول اسم مدرستي لأنه كان بيدب الرعب في قلوب العدى
:D
و دلوقتي لما بقينا أجداد في الكلية لسه بأتسأله!
طبعاً جاوبناه
و الإجابة كانت بتجر سؤال عن المدرسة و المنطقة و اصل الدكتور واضح انه اجتماعي شوية فبيسألنا عن مدرسين ولا دكاترة ولا حتى واحدة فاتحة كشك هناك في المنطقة
طلع و بالصدفة انه في واحد معايا في التجربة كان معايا في المدرسة
سألني انت متعرفوش
- دكتور احنا في سنة أولى في مدرستنا كان فيه تلاتين فصل ده سنة أولى بس حضرتك
- يعني لو عائلة كاملة في المدرسة ممكن مايعرفوش بعض
و بعد السؤال ده طبعاً بدأ يسأل في التجربة و ساعات سأل ناس عن قرايبهم لو لقى في أساميهم حاجة مشابهه لحد يعرفه
واحد سأله والدك شغال ايه قاله في الإمارات
قعد يتكلم معاه شوية عن الإمارات خاصة و انه كان هناك
عاوز اروح حرام عليك يا أخي
واحد تاني طلع من بني سويف قعد يسأله لو كان يعرف ان الدكتور فلان من بني سويف برده
سبحان الله يا اخي
واحد ثالث مش عارف طلع منين
يقوم قايله ان مش عارف مين كان من بلد "جنب البلد دي" و انه كان فيه واحد قريب الشخص ده مع الدكتور في الإمارات ولا ليبيا و هو اللي قالهم كده
ما يندعق الأولاني على التاني على قريبه على ...
.......
المهم النتيجة اللي توقعتها انه يا اما الدكتور بيدور على عريس
أو انه شخص اجتماعي لدرجة مخيفة
خرجت من المعمل
أحمد الله على هذه النعمة
عزيزي البروفسور:
لو كنت معك في المشروع لكنت فقدت اعز ما أملك
حباك الله من علمه مزيداً بس بعيد عني
Now I can accept my fate
Blessed be...

Commitment

“From time to time, the life of a leader can look hopeless.
To help you, consider a man who lived through this…

Failed in business in ’31.
Defeated for legislature in ’32.
Again failed in business in ’34.
Sweetheart died in ’35.
Had a nervous breakdown in ’36.
Defeated in election in ’38.
Defeated in Congress in ’43.
Defeated for Congress in ’46.
Defeated for Congress in ’48.
Defeated for Senate in ’55.
Defeated for Vice President in ’56.
Defeated for Senate in ’58.
Elected for President in ’60.
This man was Abraham Lincoln.”

As I would not be a slave, so I would not be a master. This expresses
my idea of democracy.
-Abraham Lincoln

Fourscore and seven years ago our fathers brought forth on this continent, a new nation, conceived in Liberty, and dedicated to the proposition that all men are created equal.
-Abraham Lincoln

It is said an eastern monarch once charged his wise men to invent a sentence, to be ever in view, and which should be true and appropriate
in all times and situations. They presented him with the words, 'And this,
too, shall pass away.' How much it expresses! How chastening in the
hour of pride! How consoling in the depths of affliction!
-Abraham Lincoln

The Sphinx of Imagination

I just got this product and.... It is AWESOME.
I tried most of hypnosis tapes available and I've been in hypnotic trance hundreds of time since I was 15 years old but this time... It seems I've been in the deepest trance ever.
Hypnotica said that he has been working on this product about 6 years...
We can define the Sphinx of Imagination as:
50 minutes long multi layer communicational stories for your mind. Each sentence in it has at least two to three possible meanings. It'll open up new neurological pathways in your mind on listening and how to talk in-language multiple layers. There is nothing else has been created like this ever before. The music has been developed by Denver Clay and he is one of the best guys who are working on developing music for the mind and he was working with Richard Bandler (co-founder of NLP).
You should listen to the CD with high-quality headphone in a dark room.
Find a quiet place, turn off the phone, listen to it and relax into it.
It is awesome for creativity. It may get a little weird and sometimes scary but it is very effective.
Q: What can I expect from listening to it?
A: Here it is what hypnotica said:
- Enhance your ability to dream of and create greater possibilities
- Rediscover life’s larger meaning and purpose
- Be inspired to channel your thoughts and dreams into a dynamic force to help liberate and change your life and enhance the lives of others.
- Align yourself with a new energy and optimism for the future.
- Build an inner awareness of self discovery.
and much.. much more.
After the first time of listening to the CD. I became addicted to it and today I listened to it more than 4 times!
I wonder if it could help you too.
And that was my latest news in the journey of developing myself :)
Here it is the link (and btw: You'll be redirected from this link through ads website as my sponsor. Thank you anyway :))

http://www.hypnotica.org/main.htm