Showing posts with label خواطر. Show all posts
Showing posts with label خواطر. Show all posts

Sunday, May 4, 2008

حبيبنا جامد و بيدينا - قاعد و مرتاح فوقينا



كان يوم أسوووود يوم ما جيييييت

كان يوم أسوووود يوم ما جيييييت

كان يوم اسوووووود

كان يوم اسوووووود

كان يوم أسوووود يوم ما جيييييت

على فكرة ماقصدش حد
ده واحد صاحبي عيد ميلاده النهاردة بجد
ههههههههههههههههههههههه

Tuesday, December 11, 2007

الإنترفيو الغامض

يوم غريب في الكلية
نازل من بيتنا الساعة سبعة و عشرة و المفروض ان اول محاضرة الساعة تمانية و نص
المشوار بياخد من ساعة لساعة و نص
للأسف مكانش فيه عربيات جيزة و اضطريت اني اركب مواصلة علشان اوصل للموقف و هناك استنيت لحد ما الميكروباص اتملى و طلعنا حوالي الساعة سبعة و نصف
وصلت الجيزة الساعة تسعة إلا ربع
ركبت ميكروباص لحد باب الكلية كمان
2 جنيه و خمسة و سبعين قرش علشان اوصل للباب ده و كمان يمكن المعيد اللي عامل شعره زي هتلر ميرضاش يدخلني
LOA
اطلع السكشن و ادخل و الاقي المعيد سايبني ادخل بس شكله كده عملها غصم عنه خاصة و ان نص السكشن خلص
قعدت و سألت صاحبي قاللي انه كان في بنت داخلة قبلي بدقيقة و الزبون (المعيد) اتكسف يمشيها و علشان كده برده الزبون اتكسف يمشيني علشان مايقولوش عليه كلمة عيب
يخلص السكشن
كوباية شاي من عند عم سعيد
حالة من الفوقان
سكشن تاني
المعيد اللي طالما أضحكتني تعبيرات وجهه في كل وقت
لما بيستغرب
لما بيضحك
لما بيتعصب
لما من غير أي حاجة خالص
و علشان كده السكشن ده كله باقعد مستخبي و عمال اضحك
يخلص السكشن و البريك
اقابل الولد اللي كنت عاوز احول مشروع التخرج مع مجموعته علشان الباشا يقوللي ان الدكتور رفض و "بشدة" ان أي حد يدخل المجموعة و الطلبة قالوله انهم اربعة بس و التكاليف هاتبقى عالية عليهم و برده الدكتور و بنفس الشدة رفض
ده معناه اني هاضطر استمر في المشروع اللي الإدارة حطوني فيه
I never accepted my fate
عندي بعد كده معمل
تفائلت خاصة و ان الجزء اللي هادرسه في المعمل ده هاستفيد منه لأني في حاجات في المنهج مش عارف اعملها و المفروض ان المعمل ده هايعلمهالي
اطلع لأجد الدكتور اللي رفض و "بشدة" دخولنا للمشروع عنده
للأسف الشديد الدكتور عنده
ADHD
و لأني زي الدكتور كده فباعرف الناس دي من بعد اول تصرف اشوفهم بيعملوه
ولأن أغلب المصريين مايعرفوش البتاع ده ايه اصلاً فمحدش هايقدر يعرف مدى المعاناة اللي واجهناها علشان نشغل التجربة و نخلصها
الدكتور عمال ينسى و يغلط و مش عارف ايه و بتاع
كل شوية يطلع في غلط في الحوار و نرجع نصلح تاني
عاوز أروح حرام عليك يا شيخ انا قدامي مشوار لآخر الدنيا
المفروض ان اطول معمل حضرته السنة دي قعدت فيه من الساعة اتناشر و نص للساعة اتنين و نص
الدكتور ده قعد معانا لتلاتة و نص
بعد ما خلصنا التجربة و انقذتهم من انهم يعيدوها من الأول بعد ملحوظة مني في خطوة ناقصة
ايه يا واد الحلاوة دي
المهم لقيت الدكتور عاوز آل ايه يسألنا كمان
ده غير التقرير اللي هانكتبه و نقدمهوله
السؤال الأول
انت كنت في مدرسة ايه في ثانوي
!!!!!!!!!!!!!!
و انت مال طنط
انا السؤال ده اتسألته من سبع سنين لما كنا لسه جداد في الكلية و بنقيم بعض عن طريق المدرسة و ساعتها كنت باقول اسم مدرستي لأنه كان بيدب الرعب في قلوب العدى
:D
و دلوقتي لما بقينا أجداد في الكلية لسه بأتسأله!
طبعاً جاوبناه
و الإجابة كانت بتجر سؤال عن المدرسة و المنطقة و اصل الدكتور واضح انه اجتماعي شوية فبيسألنا عن مدرسين ولا دكاترة ولا حتى واحدة فاتحة كشك هناك في المنطقة
طلع و بالصدفة انه في واحد معايا في التجربة كان معايا في المدرسة
سألني انت متعرفوش
- دكتور احنا في سنة أولى في مدرستنا كان فيه تلاتين فصل ده سنة أولى بس حضرتك
- يعني لو عائلة كاملة في المدرسة ممكن مايعرفوش بعض
و بعد السؤال ده طبعاً بدأ يسأل في التجربة و ساعات سأل ناس عن قرايبهم لو لقى في أساميهم حاجة مشابهه لحد يعرفه
واحد سأله والدك شغال ايه قاله في الإمارات
قعد يتكلم معاه شوية عن الإمارات خاصة و انه كان هناك
عاوز اروح حرام عليك يا أخي
واحد تاني طلع من بني سويف قعد يسأله لو كان يعرف ان الدكتور فلان من بني سويف برده
سبحان الله يا اخي
واحد ثالث مش عارف طلع منين
يقوم قايله ان مش عارف مين كان من بلد "جنب البلد دي" و انه كان فيه واحد قريب الشخص ده مع الدكتور في الإمارات ولا ليبيا و هو اللي قالهم كده
ما يندعق الأولاني على التاني على قريبه على ...
.......
المهم النتيجة اللي توقعتها انه يا اما الدكتور بيدور على عريس
أو انه شخص اجتماعي لدرجة مخيفة
خرجت من المعمل
أحمد الله على هذه النعمة
عزيزي البروفسور:
لو كنت معك في المشروع لكنت فقدت اعز ما أملك
حباك الله من علمه مزيداً بس بعيد عني
Now I can accept my fate
Blessed be...

Wednesday, July 25, 2007

الخروج من شرنقة أخرى

لا أشعر بالرغبة في الكتابة منذ تاريخ الوفاة و حتى متابعتي اليومية أو الأسبوعية لتطبيقي لطريقة سيلفا بإنتظام منذ أكثر من 7 أشهر توقفت جزئياً.
و لكني لو توقفت عن الكتابة سأصاب بالجنون.

- ماتبقاش تقفل باب أودتك
هذا ما قالته لي والدتي بعد أن استلمت و بشكل مفاجىء قيادة الأسرة بعد أن كنت قد وضعت حدوداً في هذه العلاقة استغرق صنعها الكثير من الوقت.
فمع إختلاف الآراء و طرق التفكير حتى في أبسط الأمور و حتى أسلوب الحوار كان لابد من وضع هذه الحدود في التعامل.
- مش كل حاجة نتناقش فيها
- محدش يقوللي رأيه إلا لما أطلب منه
- أنتوا تقولوا اللي انتوا عاوزينه و أنا أعمل اللي أنا عاوزه
- دي حياتي و أمشيها زي مانا عاوز

و لذلك فأصبحت كل جلساتي مع والدتي و أختي للدعابة و المرح و مع والدي أضيف للحديث النقاشات السياسية و علم النفس.
و الآن و بعد خروجي من عدة شرنقات عديدة في هذا العام خرجت من شرنقة أخرى و بمعنى أدق شرنقتين
الشرنقة التي وضعتها للتعامل مع فئات معينة في المجتمع و الأهرى التي صممتها للتعامل مع أسرتي.

.أثناء رحلتي لإنهاء إجراءات المعاش قابلت أسوأ فئة في مجتمعنا و هم الإداريين العاملين في القطاع العام (و الخاص أيضاً)
و أصنفهم كالأسوأ فعلاً لأن هذا الجيل بصفة عامة ترعرع في عصر عبد الناصر المهزوم أي أنهم شربوا الخوف منذ نعومة أظفارهم و اعتادوا الخنوع و السلبية و الكسل.
- أنت بتتعامل مع بقر، لو البقرة نطحتك هاتنطحها ؟
هذا -بالحرف- ما قاله لي خالي بعد أن علم أني دخلت في مشادة كلامية عنيفة مع موظف في الحسابات بالإدارة (نادراً جداً ما أفقد التحكم في ردود أفعالي) و لكنهم لا "ينطحوا" لأنهم نعاج
صعدت بعدها بيومين "لإمضاء" و "ختم" بعض الأوراق و شاهدني و لم يقل شيئاً
دائماً ما أسأل نفسي هذا السؤال
Am I acting or reacting?

- أنا آسف جداً إني صحيتك من النوم
قلتها لموظفة الشيكات عند استلامي شيك مصاريف الجنازة و على وجهي إبتسامة باهته....لم تفهم بالطبع أنني أسخر منها .

البعض يقول أن هذا الجيل ضحية......خطأ
كل شخص مسئول عن حياته و مسئول عما يحدث بها.
و لكن الغالبية العظمى من الناس تتكاسل عن التحرك لتكون أفضل
و هذا هو الفرق بين الشخص الناجح في حياته و الآخر الذي يعيش على هامش الحياة

بعض الأحيان أتجادل مع والدتي و يكاد الحديث يتحول لمشادة كلامية أخرى
أسأل نفسي نفس السؤال مرة أخرى و يتخذ الحديث مساراً مختلفاً

لم يكن الأمر بهذا السوء الذي تخيلته في بادىء الأمر حتى بعد تهويل بعض أصدقائي للموقف.
آه أصدقائي

عرفت مَن مِن أصدقائي يهتم "فعلاً" لحالي و قام بتعزيتي و من منهم لا يهتم إطلاقاً
أشعر أن هذا التفكير سخيف فلا أحب الحكم على الآخرين و لكن هذه الفكرة بالذات لا تتوقف عن القفز أمامي.
هل سأتخذ إجراء مع هؤلاء الأصدقاء ؟؟ هذا يعتبر رد فعل
آه يا دماغي

كنا على وشك الإنتقال للعيش في إحدى المدن الجديدة و لكن حالة الوفاة أخرتنا أتابع الآن إكمال التجهيزات و كنت سأدعهم ينتقلوا وحدهم و أعيش بمفردي في شقتنا الحالية
محلاها عيشة العزاب
لكن الآن مضطر للخروج من الشرنقة و الإنتقال مع باقي الأسرة.

جلست يوم 23 يوليو في البيت زي ما اتفقنا و معرفتش ناس قد ايه قعدت بس موقع جبهة إنقاذ مصر قال أنهم كتير قوي.

كل هذه هي أفكاري في هذه اللحظة بس دلوقتي حسيت بإسترخاء لما كتبت (كالعادة)
دلوقتي قدامي حل من اتنين يا إما أقفل الويندو من غير ما أنشر البوست (زي مواضيع كتير قبل كده) أو أنشره و خلاص.

Wednesday, May 23, 2007

تطور

ستة أعوام
يبدأ بالتفكير و الإهتمام فيما يقوله الآخرون عنه سواء أمامه او أثناء غيابه
لماذا ؟
"عندما تشعر بأنك في الأسفل تهتم بالإستماع إلي من تعتقد انهم أعلى منك"
يفاجأ و يختزن الغضب بداخله مما يسمعه ولكنه لا يحرك ساكناً!

خمسة أعوام
صورته الجميلة الموجودة بذهنه تبدأ في التشوه و ينقلب على هؤلاء الآخرين جميعاً بعدما وقعت القشة التي قسمت ظهره
لماذا ؟
"محاولتك لمجاراة موقف سيء سينتهي بالأمور إلي أسوأ"

أربعة أعوام
عودته إلي بعض الآخرون و هدنة بسيطة لا تلبث إلا و تعود الأمور كما كانت كسابق عهدها و لكنها عادت بالتدريج ولم تلاحظها
لماذا ؟
"ركز على علاقتك بنفسك قبل تركيزك على علاقاتك بالآخرين"

ثلاثة أعوام
شعوره بأنه ضحية في هذا العالم يزداد
يجلس مكانه يفكر في كل ما حدث و يحدث له
مايزال جالس
ينتظر حلاً لما حل به!!
لم يحدث شىء
مازال منتظراً!
.......
لماذا؟
"عقلك لا يستطيع التركيز على المتضادات، إما أن تركز على مشاكلك أو تركز على الحلول"

عامان
يحاول التصالح مع النفس
نجاح نسبي مقارنة بما كان عليه سابقاً
عقله يشتاق إلي ما كان عليه سابقاً من شعور بالإضطهاد!!!!!
لماذا ؟
"الأفكار و العادات السيئة تشبهان أصدقاء السوء يجلسون بمنزلك و يدعونك للخمول و الجلوس ولا يخرجون بالسهولة التي قد تتخيلها ولن يجدي العنف معهم..........فقط تجاهلهم و كأنهم غير موجودين"

عام
تغير لم يكن يتخيله
الآخرون لاحظوا ذلك و بعضهم رحب و البعض الآخر لا
هذا أيضاً كان من عوامل خوفه من التغيير
لماذا؟
"أغلب الناس تتصرف بناءً على توقعات الآخرين"
انتظر قليلاً.......
يرد عليهم بهدوء
إذهبوا للجحيم
ها هو أمامكم
لن يكون ظلاً
سواء رحبتم أم رفضتم
فوجىء بردود أفعالهم
الجميع تقبله!!
ليس هذا فحسب
لقد أصبح مصدر تشجيع للآخرين ممن يعتقدون انهم أيضاً "ضحايا"!
اصبح يهتم بما يقوله - هو - عن نفسه
خرج - أخيراً - من القوقعة ووجد انه كان يبالغ كثيراً في خوفه من هذا "الخارج"
بمجرد أن أخذ أول خطوة تغير كل شىء
لماذا؟
Take the first step in faith. You don't have to see the whole staircase. Just take the first step" - Martin Luther King"

بضعة ساعات
شاهد ما يكتبه من ملاحظات أثناء المذاكرة وتوقف للحظة للتفكير
كان في الماضي يهتم بمن سيحصل على ملاحظاته التي يكتبها في أثناء مذاكرته و كان يهتم أن هذا الشخص "الآخر" يجدها "مفيدة" و ربما يعطيه "جملة إطراء" أو "عبارة استحسان" أمام الآخرين!!
أما الآن فوجد أنه يكتب لنفسه و يهتم بجعل هذه المادة العلمية مفيده له - هو - إذا ما احتاج لمراجعتها و ليست مفيدة لأحد "الآخرين" فقط
و بالرغم من أنه يؤمن بمبدأ "تقدم للأمام" أي لا تنظر للخلف لتقييم وضعك الحالي عما سبقه إلا أنه هذه المرة توقف
و ابتسم!
لماذا؟
"أعد قراءة التدوينة مرة أخرى!"

Monday, March 26, 2007

حادثة


نصف هذه القصة حقيقي

كانوا راكبين الأتوبيس مع بعض مروحين من الكلية بعد يوم شاق

يا ستار يا رب

حادثة فظيعه

واحد من الناس المتشعبطة في الأتوبيس اللي قدامهم وقع منه على رأسه و الجرح فظيع و الشاب عينه متحجرة

سواق الأتوبيس اللي هما فيه مهتمش و كمل مشي يعني معرفوش مصير الشاب ده ايه.


تخيل نفسه في موقف الشاب ماذا سيكون رد فعل أصدقاؤه و أقاربه

ماذا سيقول الناس عنه بعد إصابته أو موته

ما هو رد فعل أسرته

ما هو شعور معارفه

- -أنت عارف انا بأفكر في ايه دلوقتي ؟

قالها صديقه و هو ينظر في اتجاه آخر

- ايه ؟

- هاعمل ايه لو حصلك زي الشاب ده

- .......

- يعني هالحقك ازاي و ايه أقرب مستشفى من هنا و هاحس بإيه و هابلغ أهلك ازاي

و هنا فقط أحس بمدى سلبيته

فقد تخيل نفسه في موقف الضعيف لكيلا يضع ذاته في موقف المسؤول المطلوب منه التصرف

شعوره دائماً بأنه ضحية زرع بداخله الخوف من حمل أي مسؤولية

دائماً يلقي باللوم على الآخرين:

أصل البلد هي السبب

أهلي هما اللي عملوا كده

إخواتي هما اللي معطلين نجاحي

الجيران مزعجين

المنطقة مش نضيفة

الظروف واقفة في طريقي دائماً

طول عمري حظي وحش

دائماً يركز على ما حوله من سلبيات

دائماً ينقض كل شيء و يسخر و يرفض من أي محاولة يراها من نفسه أو من آخرين لجعل حياته أفضل

يريد دائماً إستمرار الشعور و كأنه ضحية لكي يستمر في إلقاء اللوم على الآخرين

- اللوم بيخلي الناس اللي حواليك تسكت و ما تطلبش منك حاجة

- ده مش سكوت ده تجنب وانت عارف كده كويس ولا انت عاجباك نظرات أهلك المليانة بالحسرة

- ........

- بس أحسن ما تخليهم يطالبوك أو يضغطوا عليك في حاجة

- يبقى انت اللي سلبي و معندكش ثقه في نفسك، لو كنت تعرف تقول لأ و تقنعهم أو حتى ماتقنعهمش كنت هاتخليهم يعرفوا ان الضغط عليك مفيش منه فايدة

لو انت واثق في قراراتك كنت من الأول هاتعرف تمشي لوحدك و هما بس كانوا هايقوموا بدور المراقب من بعيد و نصحك إذا لزم الأمر

لكن انت اللي خليتهم يتحكموا في حياتك و يرسمولك الخطوط العريضة ليها

تحدث إلي نفسه و شعر بسعادة لأنه -أخيراً- واجه نفسه بعد تأجيل دام الكثير و الكثير

و قرر أنه سيبدأ ثورة

ثورة على من تسول له نفسه التحكم بحياته

ثورة على من يعتقد أنه (فاهم الدنيا) و يقدر ينصحه بسبب و بدون

ثورة على من يريد وضعه في قالب جاهز ليكون (أهو واحد زي غيره و خلاص)

ثورة على نفسه في المقام الأول

- بتضحك على ايه يله

- .......

- فرحان كده ليه ؟ ، أنا طول عمري بأقول عليك سادي

ده بدل ما تتعظ من اللي حصله

- شكراً

- على ايه ياخويا

- لأني اتعظت خلاص

و اكملا حديثهم الذي كانوا يتناقشون فيه قبل الحادث